Document d'archives : Original
5419 - 1268. 15 octobre.
Cession de divers immeubles, faite par R. Esquac à Barava de Malafalguieira, en raison...

Institution de conservation :

Archives nationales

title_label

Original
5419 - 1268. 15 octobre.
Cession de divers immeubles, faite par R. Esquac à Barava de Malafalguieira, en raison d'une somme que le comte de Toulouse devait à la dite dame en vertu d'une sentence émanée du juge d'Albigeois .
Conoguda causa sia a totz homes que ieu R. Esquac conosc e autregi et e veritat cofessi a vos, na Barava de Malafalguieira, que ieu, per mandamen de maestre Jaque del Boi, clergue de mosenhor lo conte, ieu amarvit iei e livrat a vos na Barava devandicha las maios da la Bertrandia e la tera erma e condrecha que s'i te, que fo d'en W. de Monjoure, vostre marit sa en reire, aissi co s'boula, que te de la terra d'en Tardiu tro aval e la terra Ber. Bertran, que te d'en R. del Poiol, e s'te ab la via que s'en pueja tro e la maio de na Peirona Pelicieira, e s'te ab la terra de liei meteissa e d'en Tardiu, tro e la terra R. Esquac, e mai la terra d'Armestaut, que la sero li riu de II. partz, e s'te ab la terra Pons Matfre ; item la vinha da la Bertrandia, que s'te de II. partz ab las vinhas W. Bertran, e d'autra part ab la terra de mosenhor lo conte que fo d'en Monjoure, e ab la terra d'en Ber. Berenguier, la qual terra tota devandicha, e las maios e la vinha, vos iei amarvidas e livradas per L. libras de caor[cis], que monsenhe lo coms vos deu, que vos foro jutguadas per sa cort, so es assaber per R. Joan, jutgue ordinari en Albejes per mosenhor lo conte sobredig, segon qu'es contengut en las letras del jutguamen donat per vos e contre mosenhor lo conte per lo dig jutgue e contre lo procurador de lui. En testimoni de la qual causa ieu vos doni aquesta presen carta. Las maios devandichas e la terra e la vinha avia e tenia W. de Monjoure o hom per lui el temps que mosenhe lo coms o hom per lui o pres. Actum Insule, idus octembris, anno Domini M° CC° LX° VIII°. Testimoni maestre Pons de Comezenx, Calvet de Malafalguieira, P. Blanc, B. Bertran, e mi B. Sabatier, notari de la Ila, que aquesta presen carta d'aquest reconoissemen reseubi et escriusi, et fuit testis, et hoc signum (signum notarii ) fecit.

Identifiant de l'unité documentaire :

J//148-J//735 - J//323
    • Original | 5419 - 1268. 15 octobre. | Cession de divers immeubles, faite par R. Esquac à Barava de Malafalguieira, en raison d'une somme que le comte de Toulouse devait à la dite dame en vertu d'une sentence émanée du juge...