Document d'archives : Copie du seizième siècle
5633 - 1269-70. Mardi 4 février.
Henri, comte de Vaudemont, transfère pour huit ans à Raimond de...

Institution de conservation :

Archives nationales

title_label

Copie du seizième siècle
5633 - 1269-70. Mardi 4 février.
Henri, comte de Vaudemont, transfère pour huit ans à Raimond de Premier Fait, bourgeois de Troyes, une rente qu'il tenait du roi Thibaud en la foire de Bar-sur-Aube .
Je Henris, cuens de Vaudemont, faz assavoir à tous celz qui ces presentes lettres verront que je, por ce establis par devant monsigonr Th., par la grace de Dieu noble roi de Navarre, de Champaigne et de Brie conte palazin, ay recognu, volu et octroié que Reimons diz de Premier Faict, borgeois de Troies, ayt, preigne et reçoive enterinemant des cy jusques à huit ans paraccompliz, soixante livres tournois de rente que messires li rois dessus diz me doibt chacun an, au paiement de la foire de Bar, pour mon fié et pour mon hommage. Et cest octroi et cest assenement ai je faict à Remont dessus dit por quatre cens livres de tornois que je li devoie de ses denrées. Et por ce que messires li rois a volu, loé et octroié ceste chose sauf son droict et l'autruy, je suis tenus de faire autel service et autele redevance à monsignor le roy, comme se je tenisse ladicte rente en ma main et comme li fiez requiert. Et s'il advenoit que je ne le feisse si comme je debveroie, je vueil et octroi et à ce m'oblige par mes presentes lettres que messires li rois de Navarre ou ses commandemens puisse por ce panre sans mesfaire mes choses, en quelque leu qu'elles soient. Et outre ce je auroie après les huit ans dessus diz outreement le fié perdu sans jamais reclamer riens ne par moy ne par autre. En tesmoing de laquelle chose j'ay faict faire ces lettres sceller de mon scel, qui furent faictes à Mostier Arramé, l'an de grace mil deux cens soixante neuf, le mardi après la Chandelor, en la presence monsignor Erart de Valeri et monsignor Hue de Couvlans mareschal de Champaigne.

Contenu :

Papier ; expédition authentique délivrée sur leLiber principumde la Chambre des comptes de Champagne, le 23 juillet 1562. Cette pièce a été publiée par Chantereau-Lefebvre,Traité des fiefs, preuves, p. 269.

Identifiant de l'unité documentaire :

J//148-J//735 - J//681
    • Copie du seizième siècle | 5633 - 1269-70. Mardi 4 février. | Henri, comte de Vaudemont, transfère pour huit ans à Raimond de Premier Fait, bourgeois de Troyes, une rente qu'il tenait du roi Thibaud en la foire de Bar-sur-Aube ....