Document d'archives : Original scellé
5732 - Au camp devant Carthage. 1270. 23 août.
Testament de Guillaume de La Brosse, panetier de Philippe,...

Institution de conservation :

Archives nationales

title_label

Original scellé
5732 - Au camp devant Carthage. 1270. 23 août.
Testament de Guillaume de La Brosse, panetier de Philippe, fils aîné du roi de France .
+ Au nom du Pere, dou Filz et du Saint Esperit, amen. Je Guillaume de la Broce, panetier mon seignor Phelipe ainzné filz le roi, fes et ordeine mon testament en ceste maniere. Premierement je lès cinquante livres de tornois à donner et à departir à povre gent par la main de mes executeurs. Item je lès mes robes linges à departir as povres. Après je vuil et ordeine que mes chevals soient venduz, et que l'argent qui porra estre eu de mes devant diz chevals ou du restor, se je l'avoie, soit gardé et envoié à mes enfanz. Après je vuil et ordeine que toutes mes choses, queles qu'eles soient, soit armeures, soient autres choses, soient mises es mains de mes executeurs, et que il en puissent fere leur pleine volenté, si comme il verront que il sera profitable chose à m'ame. E de cest mien testament et de ceste moie derreaine volenté je fes et establis mes executeurs, c'est à savoir mon seigneur Macé Pineit, chevalier, mon seigneur Colin le Maire et mon seigneur Estiene de Jaunei, chevaliers, sire Pierre de la Broce, mon frere, chamberlen le roi, sire Pierre Barbe, dan Giles de Forques et Hubert Chinart. Et vuil et ordeine que se touz icés ne pueent estre à ceste moie derraene volenté aemplir, que l'un d'els le peust fere plainement. E que ceste moie derreaine volenté soit fermement gardée et tenue, les devant diz executeurs ont mis à ma requeste à cest present escrit leur seaus aveques le mien. - Ce fu fet es herberges dejouste Cartage, la vegile de la feste Saint Berthelemé l'apostre, en l'an de l'Incarnation Nostre Seigneur M CC° LXX.

Contenu :

Scellé autrefois de sept sceaux, pendus sur doubles queues :
1° et 2° Les sceaux et leurs attaches ont disparu.
3° Sceau en cire blanche de Colin le Maire (Inventaire, n° 2666).
4° Sceau en cire blanche d'Étienne de Jaunay.
5° Sceau en cire blanche de Pierre de la Brosse (Inventaire, n° 241) ; fragment.
6° et 7° Queues de parchemin, la dernière portant un fragment de sceau.

Identifiant de l'unité documentaire :

J//148-J//735 - J//727/a
    • Original scellé | 5732 - Au camp devant Carthage. 1270. 23 août. | Testament de Guillaume de La Brosse, panetier de Philippe, fils aîné du roi de France . | + Au nom du Pere, dou Filz et du Saint Esperit, amen. Je Guillaume de la...