Document d'archives : Original scellé
5409 - 1268. Août.
Don de dix jurées à Thibaud, roi de Navarre, par la commune de Provins .
Nous maires,...

Institution de conservation :

Archives nationales

title_label

Original scellé
5409 - 1268. Août.
Don de dix jurées à Thibaud, roi de Navarre, par la commune de Provins .
Nous maires, eschevin et toute la commune de Prouvins, faisons savoir à touz çaux qui ces presentes lettres verront que nous, de nostre bonne volenté, sanz nule force qui faite nous soit, avons donné et ottroié à nostre chier seigneur Thiebaut, par la grace de Deu roi de Navarre, de Champoigne et de Brie conte palazin, dix jurées, la moitié en aide de son pelerinage d'outre mer, et l'autre moitié pour ce que li diz rois nostre sires nous a osté la cense que nous li devoiens chascun an, ce est a savoir seze cenz livres, et nous a mis en autel point com nos estoiens avant que li abonemenz de la dite cense fust faiz, ainsinc com il est continu en la chartre de la conmune que il nous a donnée et otroiée novelement. Et volons et otroions que cez diz jurées soient prinses et levées par dix années en dix anz proichiennement et ensivanment à venir, ce est à savoir chascun an une jurée, aveques l'autre jurée que nos li devons, si com la chartre devant dite le devise. Et volons encor et otroions que tuit li arrierage de cez et de celes qui devoient faire la jurée à la conmune, et ne l'ont faite, soient au dit roi, et qu'il les puisse lever et esploitier, se il viaut, conme les suens. En tesmoignance de la quel chose nous avons proié et requis les homes religieux l'abé de Seint Jasque, le prieux de Seint Ayoul et les sages homes le doyen de Seint Quiriace et le doyen de Nostre Dame dou Val de Prouvins, que il meissent leur seyaux en cez presentes lettres, aveques le nostre. Et nous devant dit.. abes, .. prieus, .. doyens de Seint Quiriace et doyens de Nostre Dame dou Val, à la proiere et à la requeste des devant diz maieur, eschevins, et de la conmune, avons mis nos seiaux aveques le leur en cez presentes lettres en tesmoignance de cez choses. - Ce fu fait en l'an de grace M. CC et seixante et hoit, ou mois d'aost.

Contenu :

Scellé autrefois, sur cinq doubles queues, dont quatre existent encore, de cinq sceaux, dont trois seulement ont été conservés :
1° A gauche : sceau et contre-sceau en cire blanche, de l'abbé de Saint-Jacques de Provins ; fragment du sceau ; le contre-sceau est complet.
2° Double queue.
3° Au milieu : sceau en cire blanche de la commune de Provins (Inventaire, n° 5489) ; ce sceau est brisé en deux fragments, tous deux contenus dans un petit sac attaché à la double queue.
4° Fragment du sceau, et contre-sceau du doyen de Saint-Quiriace de Provins, en cire blanche, sur double queue (Inventaire, n° 7577).
5° Fente pratiquée pour le cinquième sceau, qui a disparu ainsi que son attache.

Identifiant de l'unité documentaire :

J//148-J//735 - J//203
    • Original scellé | 5409 - 1268. Août. | Don de dix jurées à Thibaud, roi de Navarre, par la commune de Provins . | Nous maires, eschevin et toute la commune de Prouvins, faisons savoir à touz çaux qui ces presentes lettres verront...