Document d'archives : Original scellé
5513 - 1269. Avril.
Arrangement entre le couvent de Saint-Amand en Pevèle et Jean, châtelain de Tournai,...

Institution de conservation :

Archives nationales

title_label

Original scellé
5513 - 1269. Avril.
Arrangement entre le couvent de Saint-Amand en Pevèle et Jean, châtelain de Tournai, seigneur de Mortagne .
A tous chiaus ki ches letres veront et oront, nous, abbes et convens de Saint Amant en Peule, salus en Dieu. Nous faisons à savoir à tous ke comme contens et descors fust entre nous, d'une part, et le noble home Jehan, castelain de Tournay, signeur de Mortagne, chevalier, de l'autre part, sour chou ke chil sires demandoit et calengoit aucunes droitures en nos trois viles : Hiertaing et Willemiel et Froimont, apries chou, pour bien de pais, nous soumes consentit en tel maniere, ke li sires de Mortagne ara en ches trois viles et es apendices le justice de mourdre, de rat, de arsin à baniere levée, et de reube de cemin et de simple mort d'oume, sauf chou ke li bien des maufaiteurs seront a l'abet et au couvent, quel ke il soient, en le tiere de l'eglise, u meule u yretage ; et si doit estre entendue li clause de reube de cemin ensi ke on use en Flandres et ke on i entent reube de cemin, sauf chou ke li bien des maufaiteurs seront à l'eglise ensi ke devant est dit et encore ara li sires de Mortagne le dousaine et le morte main sour chiaus ki venront en ces trois viles de dela le Lis et de dela l'Escaut, et nient sour autres. Et chil sires de Mortagne ne retient ne demande en ches trois viles ne es apendances ne ban d'aoust, ne ost, ne chevauchie, ne justice de laron, ne nule autre cose fors chou ki deseure est noumet, sauve l'avoerie de Froimont kil tient de l'eglise, et sauves toutes les convenenches escrites et seelées entre nous et les signeurs de Mortagne. Et nous abbes et convens prometons à boine foit ches coses à tenir et à warder, ensi ke deviset est. Et pour chou ke che soit ferme cose et estaule, nous, abbes et convens devant dit, avons à ches presentes letres pendu nos seaus. - Che fu fait en l'an de l'Incarnation Nostre Signeur mil CC LX et IX, el mois d'avril.

Contenu :

Scellé de deux sceaux en cire verte, sur lacs de soie rouge : 1° A gauche, sceau d'Augustin, abbé de Saint-Amand en Pevèle (Inventaire, n° 9008).
A droite, sceau du couvent de Saint-Amand en Pevèle (Inventaire, n° 8365).

Identifiant de l'unité documentaire :

J//148-J//735 - J//528
    • Original scellé | 5513 - 1269. Avril. | Arrangement entre le couvent de Saint-Amand en Pevèle et Jean, châtelain de Tournai, seigneur de Mortagne . | A tous chiaus ki ches letres veront et oront, nous, abbes et convens de Saint...