Document d'archives : Original scellé
5474 - Vers 1268.
4.Mémoire du comte de Bar en réponse aux plaintes du sire de Choiseul .
Li cuens de Bar...

Institution de conservation :

Archives nationales

title_label

Original scellé
5474 - Vers 1268.
4.Mémoire du comte de Bar en réponse aux plaintes du sire de Choiseul .
Li cuens de Bar entent et s'ofre à prouver contre le signor de Choisuel qu'il est ses hom liges et qu'il ocist Warnet le fil Orri de Tous, borgois le conte, sor ce que li sires de Choisuel avoit asseurei le dit Orri, sa mainie et les soies choses à la requeste le conte.
Ancores entent et s'ofre à prouver li cuens les briseures et les arsons et les proies et les domages de ces villes, c'est à savoir Grafignei, Chemins et la Marche, Lonchamp, Orrillier Maison, et de la Motte, que li sires de Choisiaul, tout les congnoisse il, il ne les recongnoit pas ansi cum li cuens les met en sa demande.
Ancores entent et s'ofre à prouver li cuens qu'il fit ajorner le signor de Choisuel cumme son home selonc la coustume dou païs, et que por les defauz le signor le Choisuel li cuens fit saisir ses fiez par le jugement de ses pers, et que li sires de Choisuel enforça et brisa au conte sa saisine, et qu'il li fît requerre par chevaliers qu'ice li deffeist.
Ancores entent et s'ofre à prouver li cuens que li sires de Choisuel li ardi et prea et brisa et domaja ses villes et les clers et les eglises et les gens de religion qui sunt en la garde le conte, jusqu'à la summe et en la meniere que li cuens a mis en sa demande.
Ancores entent et s'ofre à prouver li cuens que les gens le signor de Choisuel, puis la pais jurée, li ardirent dous molins entre Martignei et Rozieres, et brisarent les mueles et enportarent les fers, et briserent Villette et prearent et rouberent.
Ancores entent et s'ofre à prouver li cuens que la meire le signor de Choisuel dut Ve livres de fors à la meire le conte, et que li sires de Choisuel est hoirs sa meire et li cuens à la soie.
Ancores entent et s'ofre à prouver li cuens que il [est] pleges por [le] signor de Choisuel de plusors plegeries de lonc tens, mesmement ver Wauthier Poincerain de IIe livres de provenisiens fors, ver Doumange Poincerain de IIe livres fors, ver Willaume Bequin de Ve livres fors, enver Nichole Galiant, citain de Verdun, de VIe livres, enver Othe Baudoin de Verdun de Ve livres fors.
Ancores entent et s'ofre à prouver li cuens les domages et les coustanges qu'il a euz por ces plegeries.
Ancores entent et s'ofre à prouver li cuens que li sires de Choisuel li est tenuz de IIe mars por l'evesque Phelippe de Mez qui fu, si cum d'une plegerie.

Contenu :

Scellé en cire blanche, et sur double queue, du contre-sceau de Thibaud, comte de Bar (Inventaire, n° 797).

Identifiant de l'unité documentaire :

J//148-J//735 - J//582
    • Original scellé | 5474 - Vers 1268. | 4.Mémoire du comte de Bar en réponse aux plaintes du sire de Choiseul . | Li cuens de Bar entent et s'ofre à prouver contre le signor de Choisuel qu'il est ses hom liges et qu'il ocist Warnet...