Bail à Jean Dorat d'un corps d'hôtel rue des Maçons.

Institution :
Archives nationales (annuaire du service) [site web d'origine]
Contenu :
Extrait du contenu :
Noble damoiselle Claude Riant, femme de noble homme et saige Monsieur Maistre Anthoine Fumée, sieur de Genilhé et du Pont en Touraine, conseiller du roy nostre sire et son grand conseil et grand rapporteur en la chancellerye de France, soy disant dud. sieur son espoux auctorisée en ceste partie pour faire et passer le contenu cy-après, confesse avoir baillé et delaissé à tiltre de loier d'argent, du jour Sainct-Remy prochainement venant jusques à quatre ans ung terme prochains après ensuivans finiz etc, et promect garantir à honorable homme Maistre Jehan Dorat, lecteur ordinaire du roy nostre sire, à ce present et acceptant, et preneur aud. tiltre durant led. temps pour luy etc, une maison contenant ung corps d'hostel neuf, court, aisances, assiz à Paris rue des Maçons où lesd. sieur et damoiselle sont à present demourans, pour en joyr etc.
Cestz bail et prinse faictz tant à la charge de payer par ledict preneur durant led. temps tous et chacuns les deniers à quoy lad. maison a esté, est, seroit et pourroit estre taxée et coctisée pour le regard des fortiffications de la ville de Paris et en acquitter pour le total iceulx sieur et damoiselle sans diminution de loyer cy après déclaré que oultre moiennant et parmi la somme de neuf-vingtz livres tournoiz que de loyer d'argent pour et par chacune desd. cinq années et au prorat d'icelles led. preneur en a aussi promis, sera tenu, promect et gaige bailler et paier aud. sieur ou damoiselle ou au porteur etc, aux quatre termes en l'an à Paris acoustumez, premier terme de paiement commençant et escheant au jour de Noel aussi prochainement venant et ainsi à continuer etc ensemble, à la charge d'entretenir lad. maison et lieulx de toutes menues reparations et en la fin dud. temps les rendre, et si ne pourra bailler ne transporter ce present bail et marché, partye ne portion d'icelluy à autre personne quelconque sinon du consentement desd. sieur et damoiselle, qui, au surplus le tiendront cloz et couvert etc. Car ainsy etc. Promectant etc, obligeant chacun en droict soy etc.
Faict et passé, l'an mil cinq cens cinquante-sept, le dimanche huictiesme jour d'aoust.
P. VALLÉE [notaire] F. CROZON [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 260, notice n° 139 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision :2011
Date de création de la notice :2009
Identifiant de l'unité documentaire :
MC/ET/XLIX/1 - MC/ET/XLIX/64, MC/RE/XLIX/1/A - MC/ET/XLIX/57

Archives nationales