Document d'archives : Original scellé
5624 - 1269-70. Janvier.
Vente de biens sis à Villeneuve-au-Chemin, faite par Huiet de Conflans à Henri de...

Institution de conservation :

Archives nationales

title_label

Original scellé
5624 - 1269-70. Janvier.
Vente de biens sis à Villeneuve-au-Chemin, faite par Huiet de Conflans à Henri de Champagne, fils de Thibaud IV, et à sa femme Blanche d'Artois .
Je Huiez de Conflanz, escuiers, fils noble home mon seignor Hue de Conflanz, mareschaut de Champaigne, fais à savoir à touz cels qui ces presentes leitres verront et orront que je, par la volanté et par l'assant mon seignor mon pere Hue desus nommé, mareschaut de Champaingne, ai vendu et an non de vendue quitié et outroié à noble home Henri, fil de bone memoire Thiebaut, par la grace de Dieu roi de Navarre, et à noble dame Blanche, file de bone memoire Robert, conte de Arthoys, quanque je avoie an la Ville Nueve dou Chemin et es apertenences an queque chose que ce fust, an sanc, am banc, an justises, an seignories, an toutes rantes et an touz profeiz. Et est à savoir que je ai fait cele vendue por huit cenz livres de tornois, des quiex huit cenz livres de tornois je me tieng por bien paiez desdiz hacheteors an deniers contanz et am pecune numbrée ; et renunce ad ce que je ne puisse pas dire que je ne soie bien paiez desdiz hacheteors, et que li denier de la vendue ne soient tuit tornez am mon preu ; et renunce ancor à toutes excepcions, à toutes raisons et à touz droiz qui me porroient valoir et aidier et aus diz hacheteors nuire. Ou tesmoingnaige de la quel chose je ai saielées ces leitres de mon saiel. - Ce fu fait an l'am de grace Nostre Seignor mil dues cenz sexante et nuef, ou mois de janvier.

Contenu :

Double queue de parchemin ; le sceau n'existe plus. Analyse dans l'Hist. des comtes de Champagnede M. d'Arbois de Jubainville, n° 3581.

Identifiant de l'unité documentaire :

J//148-J//735 - J//195
    • Original scellé | 5624 - 1269-70. Janvier. | Vente de biens sis à Villeneuve-au-Chemin, faite par Huiet de Conflans à Henri de Champagne, fils de Thibaud IV, et à sa femme Blanche d'Artois . | Je Huiez de Conflanz, escuiers, fils...