Document d'archives : Original scellé
5684 - 1270. Du 13 au 30 avril.
Lettres de l'abbé et du couvent de Molesmes, relatives au fief de...

Institution de conservation :

Archives nationales

title_label

Original scellé
5684 - 1270. Du 13 au 30 avril.
Lettres de l'abbé et du couvent de Molesmes, relatives au fief de Grancey-sur-Ource, que leur a donné Thibaud de Champagne, et au droit de garde que ce prince s'y est réservé .
A touz ces qui verront et orront ces presentes lettres Guilleaumes, abbes de Moloimes, et touz li convenz de ce meimes leu, salut an Notre Seigneur. Cum excellanz sires Thebauz, par la grace de Dieu rois de Navarre, de Champeigne et de Brye cuens palazins, ait doné à nous et à notre iglise de Moloimes le fié que messire Andriers de Wissi, chevaliers, tenoit dou devant dit roi à Granci sur Ourse et ou finaige de celle meimes vile, nous requenoissons que li diz fiez et la dite ville de Granci et toutes les apartenances de la dite vile sont de la garde au devant dit roi et à son hoir seigneur de Champeigne ; et requenoissons que li diz rois, ou ses hoirs sires de Champeigne, ont an la dite vile de Granci leur giste une foiz l'an, ainsi comme il l'ont acotumé à panre devant que ces lettres fussient feites, et sauve la garde et la joutise es choses dom nous eumes congié d'aquierre dou devant tres haut seigneur à Poligni et à Seles, autele com il l'i avoit au jour que ces lettres furent feites. Et pour ce que ce soit ferme et estable, nous avons saelées ces lettres de noz seaux. - Ce fu feit an l'an de grace mil deux cenz et sexante et dix, ou mois d'avril.

Contenu :

Fragments de deux sceaux en cire verte, sur doubles queues.

Identifiant de l'unité documentaire :

J//148-J//735 - J//201
    • Original scellé | 5684 - 1270. Du 13 au 30 avril. | Lettres de l'abbé et du couvent de Molesmes, relatives au fief de Grancey-sur-Ource, que leur a donné Thibaud de Champagne, et au droit de garde que ce prince s'y est réservé ....