Document d'archives : Original scellé
5533 - 1269. Dimanche 2 juin.
Reconnaissance de dette délivrée au comte Alphonse de Poitiers par Girard de...

Institution de conservation :

Archives nationales

title_label

Original scellé
5533 - 1269. Dimanche 2 juin.
Reconnaissance de dette délivrée au comte Alphonse de Poitiers par Girard de Prunai .
A touz ceus qui ce[s] letres verront et orront je Girart de Prunai, chevalier, saluz en Notre Segneur. Sachent tuit que je doi à tres noble prince monseigneur Aufonz, conte de Poitiers et de Thoulose, tant de prest come de la fin du conte de la seneschaucie de Venessi, laquele il m'avoit commise à garder, trais cenz vint livres de tournois ; laquele some d'argent je promé à rendre au Temple à Paris u non de monsegneur le conte devant dit, c'est asavoir deus cenz livres de tournois dedenz la Touz Sainz prochienne venant, et les sis vinz livres à la Chandeleur prochienne ensivant ; et à fere les diz paiemenz si come il est desus dit je oblige moi et mes hers et touz mes biens muebles et non muebles en queque leu que il soient ; et renonce à toute excepcion de droit canon et civil, et à toute excepcion de croiz, et à tout autre droit qui me pourroit esdier et audit monsegneur le conte nuire à ce que li paiement fuissent retardé si come il est dit desus. En fermeté de laquele chose en ces presentes letres j'émis mon seel. - Ce fu fet l'an de l'Incarnacion Notre Segneur mil deus cenz sexante noef, le diemenche es trais semaines de Pentechoste.

Contenu :

La simple queue qui portait autrefois le sceau a été arrachée.

Identifiant de l'unité documentaire :

J//148-J//735 - J//318
    • Original scellé | 5533 - 1269. Dimanche 2 juin. | Reconnaissance de dette délivrée au comte Alphonse de Poitiers par Girard de Prunai . | A touz ceus qui ce[s] letres verront et orront je Girart de Prunai, chevalier, saluz en...