Document d'archives : Original scellé
5670 - 1269-70. Mardi 8 avril.
Reconnaissance d'une dette, délivrée par Mathieu le Chambellan à Eudes de...

Institution de conservation :

Archives nationales

title_label

Original scellé
5670 - 1269-70. Mardi 8 avril.
Reconnaissance d'une dette, délivrée par Mathieu le Chambellan à Eudes de Nesle, bourgeois de Paris .
Je Mahius li Chamberlans, chevaliers, sires de Villebayon, quenois et fas asavoir à touz ceus qui ces lettres verront et orront que je doi à Huede de Naele, bourgois de Paris, trente livres et quinze solz et huit deniers parisis de bonnes denrées et de loiaus que il m'a baillies, dont je veil et otroy que le devant dit Huede praingne en assennement la devant dite dette en mes deniers que l'en me doit au Temple, as termes assennez de ce jour en avant ; et pour ce que je ai assenné autres deteurs à ces deniers meismes, je vel et otroi que il praigne selonc la quantité de la dette avec les autres à chascun terme, sout à sout et à la livre le denier. Et se il avenoit que ma famme alat de vie à mort, dont Diux la deffende, par quoi cele rente fausit qui muet de li, je Mahius li Chamberlans, chevaliers devant diz, vel et otroi que li remennans de la dette desus nommée fut poiez en mon heritaige, et que cil qui en mon lieu demorront i soient tenu à rendre toute celle demorance tele comme elle i seroit, dont je Mahius li Chanberlens, chevaliers, oblige moi et mes hoirs et toz les biens de ma terre à rendre et à parfere tout le remennant de la demorance desus nommée. Ou tesmoing de ceste chose, et que elle soit ferme et estable, je fis ces lettres seeller de mon propre seel. - Ces lettres furent fetes en l'an de l'Incarnation Nostre Seigneur mil CC. soissante et nuef, le mardi apres Paques Flories.

Contenu :

Scellé, en cire rouge, et sur double queue, du sceau de Mathieu le Chambellan (Inventaire, n° 1886).

Identifiant de l'unité documentaire :

J//148-J//735 - J//734
    • Original scellé | 5670 - 1269-70. Mardi 8 avril. | Reconnaissance d'une dette, délivrée par Mathieu le Chambellan à Eudes de Nesle, bourgeois de Paris . | Je Mahius li Chamberlans, chevaliers, sires de Villebayon, quenois et fas...