Fragment de la déposition des témoins : Jehan Le Raiier, Raoul le cordouanier, Guillaume Torchart, bourgeois de Domfront, « Boinevie Le Jais de Danfront », Raoul du Val, Etienne Bonhomme : « Jehan Le Raiier bourgeois de Danfront tesmoins jures et requis sour toutes choses dist par sen serement que pluiseur gent sont plaintes de Jehan de Carcass. de ce que il mercioit les gens du pais a tort et sanz cause par maintes fois et en levoit plus grands amendes que les gens ne fourfeissent ; et dist encore que celui Jehan de Carcass. a fait grant damage a m. le Conte d'Art. de ce qu'il a vendu a son gendre le bril de la forest du rocier au coste et est damages si grans que a paines le poet l'en esprisier. Raoul du Val tesmoins jures et requis dist par son serement que Jehan de Carcass. estoit coustumiers de lever amendes des gens du pais sans raison et dist qu'il est renommée qu'il les escorçoit touz vis. Item dist ciex tesmoins que celui Jehan li a fait prendre par maintes fois des pertris as files et a la tonnele et li avoit en couvent qu'il l'en bailleroit la moitie et dist qu'il ne l'en bailla onques nule, et se l'en a il aporté par pluiseurs fois grant plenté » ; etc.

A 924, pièce 2

Actes du pouvoir souverain et domaine public