Langue des unités documentaires: Latin

Transcription, par Mathieu Lescuyer, archiviste paléographe

1282, 6 novembre. - Saugues.

Incarnationis dominice anno M° CC° LXXXII° indictione Xa, domino Philippo rege Franc. regni, domino S. Mimaten. episcopo existente, VIII° idus novembris, constitutus in presentia mei notarii et testium infrascriptorum ad hoc vocatorum et rogatorum Petrus Gras de Talliaco non coactus, non deceptus nec in aliquo circumventus sed sua propria bona voluntate ad hoc ductus ut asserebat, dedit, cessit et concessit, tradidit seu quasi ex causa permutationisque quemdam ortum situm apud Vilaretum et quandam parraneam voccatam la parra dels Matfres et dels Gras, sitam apud dictum castrum de Vilareto, et duo casalia sita apud dictum castrum de Vilareto in borgada, et octavam partem pro indivisa mansi de Chazals ; qui mansus est in parrochia de Chanalelhis et confrontatur ex una parte cum manso seu territorio de Goutaldes, et ex alia cum manso de la Chirosa, et ex alia cum territorio ecclesie de Chanalel. ; que quidem omnia tradidit et cessit seu quasi per se et suos successores nunc et in perpetuum domino Bertrando Iterii militi et suis successoribus nunc et in futurum utiliter et directe, et hoc pro quinque demencs siliginis annuis, quos confessus fuit idem Petrus Gras se habere et percipere cum domino Bertrando in cellario suo et in orreis suis apud Salgue, et dictum dominum Bertrandum assignasse et assiduisse et tradidisse seu quasi dictos quinque demencs siliginis ex causa predicta, et renunciavit idem Petrus exceptioni bladi non habiti, non assignati et non recepti, et si plus valent predicta concessa per ipsum dicto domino Bertrando dictis quinque dementis censualibus seu in futurum valebunt duplum, triplum seu deinceps, totum illud plus valens eidem domino Bertrando donavit donatione inter vivos simplici et irrevocabili et in perpetuum valitura, et se tenuit pro contento in dictis V demencs annuis et plenarie satisfactum de omnibus et in omnibus que ipsi domino B. concessit superius viedelicet memoratus. Item dixit se nil dixisse seu fecisse, dicturum seu facturum cur dicta permutacio valeat anullari seu contractus ; item cessit et concessit eidem domino B. omne jus et actionem realem et personalem, directam, naturalem atque mixtam, et omne jus conveniendi (?), agendi, deffendendi quod et quam habet seu visus est habere contra quascumque personas ratione predictarum rerum sibi domini B. traditarum seu quasi, et ipsum dominum B. verum dominum et verum procuratorem constituit ut in rem suam ; item constituit se predicta nomine ipsius domini B. possidere seu quasi, in qua possessione quandocumque voluerit sua auctoritate eidem licentiam tribuit et potestatem intrandi. Item dixit et asseruit quod predicta a nemine tenebat nec tenere debebat sed si inveniretur dixit quod credit quod a patre ipsius domini B. quondam sui predecessores predicta superius memorata tenebant in feudum francum. Item promisit eidem de evictione universali et particulari et de bene sedere, ab omni inquietante legitime deffendere et persona ; et super hiis omnibus renunciavit certus de facto et certioratus de jure exeptioni doli, mali et actioni in factum et contradictioni indebiti et sine causa vel ex justa causa, et omni alii juri, presidio et auxilio per quod contra predicta vel aliquid de predictis venire posset, et juri dicenti generalem renunciacionem non valere nisi expressam fecerit mentionem illius juris cui renunciare intendit ; volens et concedens quod predicta generalis renunciacio tantum valeat et tantum sorciatur effectum quem sortiretur si de omnibus et singulis juribus que pro ipso et contra dictum B. facerent seu facere viderentur plenam et expressam faceret mentionem, et quod ita teneret et contra non veniret aliquo jure sive ratione cogitatis seu excogitandis sub obligacione omnium bonorum suorum presentium et futurorum dicto domino B. stipulanti et recipienti promisit, et super sancta Dei euvangelia a se corporaliter tacta juravit. Et postmodum predicti contrahentes dixerunt et confessi fuerunt quod dictam permutationem seu dictum contractum fecerant inter se quindecim anni sunt elapsi et plus. Actum apud Salgue ante hospicium Hugonis Barmon domicelli, testibus presentibus dominis Guillelmo Moreti priore Sancti Johannis Mimaten., dominis R°. Iterii milite, Petro Escura presbitero, Johanne Barmon domicello, Arm. filio P. Arm. quondam et me Guillelmo de Longavalle publico notario in Gaballitano pro domino Mimaten. episcopo qui hiis presens fui et de mandato predictorum hanc cartam scripsi et subscripsi et in publicam formam redegi et signo meo signavi rogatus. [Seing notarial ; original parchemin]